Rregullat e Red Bull Tum Tum Pa
Konkursi i krijimit të muzikës në bankat e shkollës. Në konkursin RED BULL TUM TUM PA janë lapsat dhe stilolapsat që formojnë tingullin -- pa ndihmën e asnjë instrumenti tjetër.
Skuadra të formuara nga maksimumi katër studentë mund të përdorin vetëm mjetet shkollore për të krijuar performancën e tyre muzikore.
Instrumentet e lejueshme për tu përdorur janë: lapsat, stilolapsat, librat, çantat, gërshërët, gomat ose kanaçja e Red Bull. Nuk ka asnjë limit për kreativitetin tuaj – zgjidhni atë ritëm që ju përshtatet më shumë. Mbase edhe zhurma kërcitëse e laptopit kur mbyllet, mund të jetë tingulli i duhur për performancën tuaj?
Ju lutem mbani parasysh se konkurrentët nuk mund të këndojnë, të përdorin instrumente tradicionale ose tinguj të krijuar elektronikisht.
Gjatë konkurrimit, skuadrat njëra pas tjetrës shfaqin talentin e tyre përgjatë dy sfidave 60-sekondëshe:
1) Raundi 1 - “The Cover”: Ju paraqiteni me një hit të mirënjohur, të cilin ia komunikoni paraprakisht jurisë dhe konkurrimi zgjat 60 sekonda.
2) Raundi 2 - “Kompozimi Origjinal”: Skuadrat sërish tregojnë kreativitetin e tyre gjatë 60-sekondave – por në këtë rast nuk ka ndonjë kufizim për llojin e muzikës, zhanrit apo stilit.
Pas çdo raundi, juria vlerëson performancën. Të dyja sfidat do të gjykohen sipas kategorive: ritëm, kreativitet dhe impakti mbi spektatorët (mënyra sesi komunikohet me audiencën). Ju mund të vlerësoheni duke filluar nga 1 pikë (dobët) deri në 10 pikë (shkëlqyeshëm). Maksimumi i pikëve që ju mund të arrini është 60 (30 pikë për çdo sfidë).
Skuadra me pikët më të larta fiton konkurrimin. Një grup fitues nga Shqipëria dhe një grup nga Kosova do të shkojnë në Rio de Janeiro, Brazil për të marrë pjesë në Finalen Botërore të këtij konkursi!
Rreth Red Bull Tum Tum Pa
Klik, klak. klik, klik, klak ... ky është tingulli i lapsit që përplaset mbi bankë gjatë një ore të mërzitshme leksioni. Por lapsi juaj mund të bëjë më shumë se kaq. Jepini jetë tingullit të lehtë klik klak dhe shndërrojeni në Tum Tum Pa, Tum Tum Pa!
Red Bull Tum Tum Pa është konkursi i parë për studentë i krijimit të muzikës. Edhe vetë mësuesit nuk do mund të rezistojnë pa mbajtur ritmin këmbë, kur skuadrat e formuara nga maksimumi 4 studentë do të sjellin muzikën e tyre kreative, te realizuar vetëm me zhurmën e lapsave, stilolapsave, vizoreve, gërshërëve dhe gomave.
Performanca më e mirë, e realizuar vetëm duke përdorur mjetet shkollore, do të vlerësohet nga juria. Gjithashtu skuadra juaj mund të jetë ajo që do të arrijë deri në Finalen Botërore të RED BULL TUM TUM PA, e cila do të zhvillohet në Rio de Janeiro!
Na vizitoni për tu informuar mbi mënyrën e regjistrimit.
