الرجل البرمائي..كريستيان تشيستر

اخدم نفسك بنفسك
اخدم نفسك بنفسك © Christian Schiester
وليد شعبان - مصر

كريستيان تشيستر شاب نمساوي كان محظوظ أنه قدر يكتشف شغفه في الحياة ويجري وراه – حرفيًا – ويعمل حاجة ماحدش قبله عملها..وهي الجري!

مهووس بالطبيعة والبحر والشاطئ، بالنسباله البحر هو الأمل والامتداد الطبيعي للحياة الهادئة والمثالية.
قرر أنه يلف العالم ويكتشفه في رحلة بدأت من 7 سنين عن طريق الجري على شواطئ البحر في بلاد مختلفة حول العالم، والإبحار لأماكن ماحدش زارها قبل كدة في قلب المحيطات والبحار، واكتشاف ثقافات وحضارات غير عادية.

كريستيان بيعتبر أن الحياة تحدي، وانك لازم من وقت للتاني تختبر قدراتك، وتعرف اذا كنت قوي كفاية إنك تدخل تحدي في حياتك ولا لا؟
 

 

مشوار الألف ميل يبدأ بخطوة
مشوار الألف ميل يبدأ بخطوة © Christian Schiester

والأهم تكون عارف إنت عايز إيه، وتحدد أولوياتك لأن الوصول للهدف مش سهل؛ لكن الطريق له ممتع في حد ذاته، الكنز في الرحلة!

والأمتع إنك بتروح لهدفك – حرفيًا - بخطوات أقدامك وانت بتمشي، و انت بتجري.

التجربة الأروع هي إنك تلاقي حد يشاركك الشغف و يقاسمك المغامرة، وده اللي حصل مع كريستيان وشريكة حياته.

قرر كريستيان إنه يرضي شغفه وحبه للبحر والجري، وحدد رحلته البحرية حول العالم لعام 2017
نقطة الإنطلاق هتبقى من السودان، وعن طريق خليج عدن هيوصل لسلطنة عُمان، ولحد منتصف شهر أبريل هيتحرك من عُمان في رحلة طولها 1500 ميل قبل ما يوصل جزيرة سيشل.

لا للهموم
لا للهموم © Christian Schiester

7 مايو تبدأ رحلة جديدة إنطلاقًا من جزيرة سيشل على شواطئ المحيط الهندي، وفي الوقت من يونيو وحتى أكتوبر 2017 هيكتشف كريستيان أكثر من 115 جزيرة في المحيط.

وأخيرًا في شهر نوفمبر هتكون العودة للنمسا، وبداية التحضير لرحلة جري جديدة في 2018 وفيها هيزور جزر كوكوس في إندونيسيا، وبعدها هيبحر لموريشيوس وغيرها من الجزر.

#شغفك_هو_إنت

Next Story