Technology
Njihuni me fituesin që synon të revolucionarizojë bujqësinë
Ideja e Aldrin Sojourner Gamayon mundi mbi 110,000 ide të tjera në konkursin me një aplikacion për të identifikuar kërcënimet ndaj kulturave bujqësore dhe për të dyfishuar prodhimin e tyre.
Nuk ndodh çdo ditë që një prezantim startup-i të sjellë lot në sytë e audiencës së tij. Por kur u shpall emri i Aldrin ‘Soj’ Sojourner Gamayon si fitues i Finales Botërore të Red Bull Basement 2024 në Tokio, bashkë-inovatorët e tij, mentorët ekspert dhe madje gjyqtarët globalë gëzuan duke tundur grushtat dhe duke fshirë lotët.
Duke udhëtuar drejt Japonisë nga vendlindja e tij në Filipine, Gamayon mbërriti në Finalen Botërore me një buzëqeshje të madhe, një maskot të mbushur me fat dhe një ide bindëse. I frymëzuar nga intervistimi i 80 fermerëve – përfshirë edhe xhaxhain e tij – të cilët përballen me sfida të shumta në sigurimin e ushqimit bazë të vendit, orizit, ai konceptoi AgriConnect. Bëhet fjalë për një aplikacion të fuqizuar me inteligjencë artificiale që mund t’u japë fermerëve sinjale për kërcënimet ndaj kulturave bujqësore dhe t’i ndihmojë të menaxhojnë rreziqet.
Kjo është çmenduri! Kjo do të thotë shumë,” tha Gamayon teksa priste trofeun e tij. “Po e bëj këtë për fermerët filipinas. Po e bëj këtë për xhaxhallarët e mi, të cilët kanë punuar kaq shumë për të përballuar jetesën. Dhe shpresoj që kjo të ketë ndikim jo vetëm në Filipine, por në të gjithë botën.”
Udhëtimi i Gamayon filloi kur ai mori pjesë në konkurs, duke dorëzuar idenë e tij me ndihmën e Chatbot-it të Red Bull Basement, i cili funksiononte me inteligjencë artificiale të mundësuar nga partnerët e ngjarjes, Microsoft dhe AMD.
Në atë kohë, studenti i Menaxhimit të Teknologjisë së Komunikimit në Universitetin Ateneo de Manila sapo kishte kthyer nga një praktikë profesionale në Singapor. Ai shpjegon: “Të udhëtosh në një vend tjetër për të studiuar është një privilegj, dhe ka një përgjegjësi brenda meje për të dhënë diçka mbrapsht. Duke lidhur këtë me përvojat e mia dhe gjërat për të cilat ndjej pasion të madh, më çoi tek fermerët. Është mantra ime të ndërtoj diçka më të madhe se vetja ime.”
AgriConnect u rendit e para nga mbi 3,600 aplikime në të gjithë Filipinet. Si fituesi i ri kombëtar, Gamayon nisi Fazen e Zhvillimit të Red Bull Basement, duke përpunuar idenë e tij me mentorim, para se të mbërrinte në Tokio për Finalen Botërore. Gjatë përvojës tre-ditore, pjesëmarrësit ndoqën ekspertët, ligjërata kryesore dhe mentorim, përpara se të prezantonin zgjidhjet e tyre në një Galeri Idesh, ku Top 10 u zgjodhën për të prezantuar pitch-in final për panelin global të gjyqtarëve, i përbërë nga sportistja dhe sipërmarrësja e Red Bull Molly Carlson, Ryan Sagare nga AMD, Letizia Royo-Villanova nga Plug and Play, krijuesi edukativ dhe sipërmarrësi Jun Yuh dhe kreu i Microsoft për Startups, Hans Yang.
Gjyqtarët Carlson, Sagare, Royo-Villanova, Yuh and Yang
© Suguru Saito/Red Bull Content Pool
Gjyqtarët nuk e patën të lehtë. Gjatë procesit të aplikimit, Red Bull Basement u mbush me më shumë ide inovative për startup-e se kurrë më parë, mbi 110,000 – dhe 40 fituesit kombëtarë ishin një ekip jashtëzakonisht i veçantë. Kur erdhi puna tek Top 10 pitch-et, çdo inovator kishte vetëm dy minuta për të mbrojtur idenë e tij. Prezantimet e tyre ishin bindëse, nga një mjet për të ndihmuar në parandalimin e djegies profesionale të punonjësve (Republika Çeke) te një aplikacion i fuqizuar me AI që personalizon trajnimin e sportistëve (Gjermania), dhe nga një bateri e qëndrueshme që ndryshon lojën (Italia) te një aplikacion që lidh studentët me mentorë (Irlanda).
Molly Carlson flet me Ekipin UMIT nga Kazakistani në Galerinë e Idesë.
© Suguru Saito/Red Bull Content Pool
Gamayon ndau: “Në një konkurs, ekziston ai mentaliteti ‘Duhet të jesh më i mirë se ekipet e tjera’ – dhe pastaj vij këtu dhe shoh këto ide të ndryshme, këto histori personale, përvojat e tyre… Vërtet pashë atë qëllim, motivim dhe vendosmëri. U frymëzova nga njerëzit përreth meje, dhe më kujtoi se nuk bëhet vetëm për garë. Bëhet për të ndarë momente dhe kujtime me njerëz që mendojnë si ti.”
Për ti ardhur në ndihmë idesë sv tij: Si fitues i Red Bull Basement, Gamayon mezi pret një udhëtim trejavor, i paguar tërësisht, në Kaliforni, SHBA, për një program të thelluar që ofron burime, socializim dhe mentorim me udhëheqës të teknologjisë dhe kapitalit sipërmarrës në qendrën teknologjike të Silicon Valley.
Besoj se kjo është hera e parë që Filipinet marrin pjesë në Red Bull Basement, dhe shpresoj vërtet që të kemi më shumë përfaqësues,” tha Gamayon. Duke pranuar se vetë ai fillimisht ishte ndjerë i frikësuar nga ideja e “të garuarit me botën,” këshilla e tij për këdo që po mendon të bashkohet me Red Bull Basement është të mos hezitojë:
“Pesëdhjetë për qind të kohës, startup-et nuk arrijnë shumë përparim sepse mendojmë tepër. Red Bull Basement mundëson inovacione që të lejojnë të mësosh nga gabimet dhe të rritesh. Kur hyra në Red Bull Basement, kisha kaq shumë drejtime dhe ide të ndryshme, por i hodha poshtë dhe kji ide më çoi aty ku jam sot. Gjithçka filloi vetëm sepse e bëra në të vërtetë.”