موسيقى
رمضان جانا برؤية مختلفة مع Key66 Productions !
رمضان جانا برؤية مختلفة مع Key66 Productions !
Productions Key66 1
© معتز إبراهيم
فيه فرق إنك تسمع مزيكا إنت عارفها معمول لها Remix من خلال DJ، وتغيير في سرعة الإيقاع واستخدام مؤثرات صوتية على الأغنية الأصلية، وإنك تسمع "إنتاج" جديد مختلف تمامًا من خلال منتج ومؤلف موسيقي محترف بيعرف يخرج أغنية جديدة تمامًا بأصوات وآلات وإحساس جديد، وبيحافظ بس على اللحن الأساسي للأغنية وروحها الأصلية.
Productions Key66 2
© معتز إبراهيم
المرة دي "رمضان جانا" مش هيعملها منتج موسيقي واحد! لأ ده فريق كامل!
هم مجموعة ستوديو وشركة Key66 للإنتاج، مجموعة محترفة من الموسيقيين والمؤلفين والعازفين المحترفين اللي بيعملوا مزيكا إعلانات كتير بنسمعها كل يوم في الراديو ونشوفها في التليفزيون.
السنة دي قرروا يخوضوا تجربة "رمضان جانا" مع ريد بُل ودخلوا الستوديو مع بعض علشان يسمعونا أغنية عبد المطلب بإنتاج ورؤية مختلفة.
Productions Key66 3
© معتز إبراهيم
سألنا Key66 إيه كان مصدر إلهامهم وهم بيشتغلوا على نسختهم الخاصة من رمضان جانا، وليه قرروا يقدموها بالشكل ده؟
وكان ردهم: أول حاجة فكرنا فيها إزاي ممكن 6 منتجين موسيقيين يشتغلوا على تراك واحد! يا ترى هيطلع شكله عامل إزاي؟ وإزاي نرضي أذواق مختلفة للمستمعين في تراك واحد؟ ومن هنا ابتدينا نشتغل وحاولنا نخلي كل واحد يلاقي حاجة تعجبه في "رمضان جانا" اللي هنقدمها بطريقتنا!
اسمعوا رمضان جانا بإنتاج مختلف بدماغ Key66 Productions ..هتعجبكم!
المجوعة اللي أشتغلت على الأغنية:
أحمد الهادي (Hudz):
عمر الديب:
هشام المناسترلي:
عمرو خالد:
أمير الشريعي: