موسيقى
رحلة Arsenik من أسيوط للقاهرة
في 3 مايو، ارسينك طلع على مسرح "صدى صوت" في أسيوط لأول مرة. ارسينك هو ابن أسيوط ورجع عشان يشارك في الحدث الكبير ده بعد مشوار ناجح بدأ من بلده.
ارسينك اسمه الحقيقي محمد محمود، عنده 23 سنة، ودلوقتي بقى واحد من أهم الرابرز في مصر والعالم العربي.
مسيرة ارسينك ودور بلده أسيوط
ارسينك اتربى في أسيوط، المدينة اللي شكلت جزء كبير من المزيكا بتاعته. تأثير أسيوط واضح في أغانيه، اللي بتعكس حياة الشباب هناك، بتقاليدهم وتحدياتهم، وده خلاه صوت بيعبر عنهم. أسيوط، اللي محاوطاها القرى وبتتمسك بتقاليدها القديمة، كانت حاضرة في موسيقى ارسينك، مع أنهم في الأول مكنوش فاهمين الراب لأن الموسيقى هناك كانت مهرجان ومواويل وموالد، وده اللي كبر عليه. بس دلوقتي الراب اتعرف أكتر.
بس الناس مش فهما، شايفة شباب عملا سيركل ومش عارفين دول مجانين ولا ده سحر ولا ايه
تجربة صدى صوت في أسيوط
حفلة صدى صوت كانت فرصة لارسينك إنه يطلع على المسرح في بلده، ويغني قدام جمهور أسيوط بطاقة التمرد اللي بتميز الراب في الصعيد عامة. ارسينك كمان اتكلم عن تأثير والده عليه، وإنه مكنش فاهم مزيكته في الأول، بس بقى دلوقتي أكبر داعم ليه وحضر الحفله هو وأهله كلهم اللي كان نفسهم يحضروله من زمان.
أورتيجا وارسينك
أورتيجا وارسينك
© Red Bull
الاتصال بيني وبين الناس في الشارع هو هو اللي كان مع اورتيجا وانا صغير
وأورتيجا كان اكتر اسم متحمس يشارك معاه حاجه زي دي، ومن زمان نفسه يشتغل معاه.
وبعدها بأسبوع، ارسينك اتقابل مع زياد ظاظا والفايف وسلايفر وليجيسي وموسى في القاهرة، وعملوا حفلة الختام اللي جمعت كل الرابرز دول على مسرح ريد بُل صدى صوت يوم 10 مابو اللي فات.
خليك متابعنا عشان تعرف كل الأخبار أول بأول. !
