الألعاب

عودة CALL OF DUTY للطريق الصحيح

اللعبة المنتظر نزولها فى 25 اكتوبر 2019 على PC , PS4 , XBOX

بقلم ريد بُل مصر

‎3‎ دقيقة للقراءةPublished on 10.07.2019 · 09:08 UTC

بعد سنين طويلة من التكرار و بداية من 2011 وسلسلة Call of duty كانت بتكرر نفس طريقة اللعب، حتى الجرافيكس مكنش الجيمرز حاسيين باختلاف ما بين كل جزء والى قبله. على الرغم من المبيعات القوية للعبة كل سنة ودة لانها بتتمتع بشعبية من الصعب انها تختفى, لاكن السنة دى استدوديو Infinity ward قرروا انهم يطوروا اللعبة من كل النواحى.

من اكتر الحاجات اللي الجيمرز كانو نفسهم تبقى موجودة هو شخصية كابتن برايس، لان بالنسبة لسلسلة Modern Warfare كان هو اهم شخصية فيها، بسبب الكاريزما الى بيتمتع بيها الى خليت فى جيمرز يتعلقوا بالشخصية دى فى Call of duty بشكل عام, و Modern warfareبشكل خاص.

استخدام محرك جرافيكس جديد

شركة Activision قررت انها تستخدم محرك جرافيكس جديد فى تطوير اللعبة، والعمل على المحرك اخد من المطورين اكتر من خمس سنين، لان تطوير القصة للعبة بياخد 3 سنين على كلام المطور، اما بالنسبة للمحرك بيحتاج فترة اكبر، و بسبب كده الشركة شكلت استدويو بولندى مخصوص لتطوير الجرافيكس.

عودة موود Spec Ops ومفيش Season Pass اخيرا!!

من اهم عناصر نجاح Call of duty كان مود الـ spec ops، وهو اللى ظهر لأول مرة في سلسلة Modern Warfare، هيرجع السنادى علشان يعوض غياب مود البقاء أو الزومبي، ومش هيكون مجرد مود لعب،لكنه هيكون مود مختلف وجزء من التجربة الكاملة اللي بتقدمها اللعبة، وبالتالي هيوفر مهمات وأحداث مرتبطة بالقصة الأساسية.

من اكبر عيوب الى الجيمرز مش بيحبوها فى اى لعبة بتبقى الـ Season pass. اكدت شركة Activision رسميًا أن اللعبة مش هيبقى فيها بطاقة موسمية "Season Pass" لشراء الإضافات، بس الخرائط الاضافية هتكون مجانية للعبة بعد توفرها، لكن مش معروف وضعها من ناحية المشتريات الداخلية والمحتويات الإضافية.

دعم اللعب الجماعي على كل الاجهزة

من الخطوات الى اخدها استوديو Infinity ward علشان يخلي Call of duty ترجع لامجادها، انه يدعم الـ Cross play, واللي تعتبر خطوة علشان تخلي كل الجيمرز الى بيحبوا السلسة انهم ينافسوا بعض، بصرف النظر عن نوع الجهاز الى بيستخدموه، فهل كل التعديلات الى الشركة عملتها هتكون كافية علشان ترجع Call of duty رقم واحد كلعبة FPS ؟؟ خاصة مع المنافسة الشديدة من الشركات التانية،ولا ده مش هيكون كافي علشان تكسب المنافسة.

الألعاب