موسيقى
رحلة Lege-Cy من طنطا للقاهرة
في 3 مايو، Lege-Cy رجع طنطا عشان حفلة صدى صوت.
Lege-Cy، واسمه الحقيقي محمود أسامة عبدالعزيز، ابن طنطا اللي عمره 27 سنة، دايمًا بيعبر عن كل اللي جواه في كل نوتة وكل كلمة وجه الوقت انه يعمل كده وسط أهله.
Lege-Cy عاش أغلب حياته في طنطا، اتولد ودخل مدرسة هناك، وأغلب أصحابه في طنطا. بيحكي إزاي في مرة وهو صغير لقى CD عليه برنامج بيعمل مزيكا، في الأول مسحه بس بعدين رجعه تاني وابتدا مشواره من هنا. رغم إن فيه ناس كانت بتحاول تحبطه وتقوله ان اللي بيعمله مش هيوصله لحتة، لكنه كان مؤمن إن مفيش حاجة ممكن توقفه. ولما كان بيتضايق كان بيكتب مزيكا، ودي كانت وسيلته للراحة والهدوء.
علاقه Lege-Cy بطنطا
Lege-Cy
© Red Bull
علاقة Lege-Cy بطنطا مش بس علاقة مكان، دي علاقة حب وانتماء. طنطا كانت دايمًا حاضرة في أغانيه، وفي كليب "2:00 صباحًا" عرض فيه شوارع طنطا الفاضية، وكأنها بتتكلم عنه وعن مشاعره.
Lege-Cy لما طلع على مسرح ريد بُل صدى صوت كانت أول مره ليه يغني في طنطا.
بس طنطا، اللي بتحب الموالد والموسيقى الشعبية، كانت واضحة في كل تراك بيقدمه على مسرح ريد بُل صدى صوت. ده كان الرجوع للأساس، للمكان اللي بدأ فيه كل حاجة.
الحفلة دي كانت فرصة لLege-Cy إنه يرجع لطنطا، المكان اللي بدأ منه، والحفلة دي مكنتش أبدًا حفلة عادية.
وقتها مكنتش فاهم انا داخل على ايه وكان فاضل دقتين واطلع على الاستيج وسامع الناس من بره بتهتف بس مكنتش متخيل انهم بالعدد ده
وبعدها بأسبوع، Lege-Cy اتقابل مع زياد ظاظا وارسينك وسلايفر والفايف وموسى في القاهرة، وعملوا حفلة الختام اللي جمعت كل الرابرز دول على مسرح ريد بُل صدى صوت يوم 10 مابو اللي فات.
خليك متابعنا عشان تعرف كل الأخبار أول بأول!
