هنبعت 6 رابرز في رحلة! كل واحد لمدينته اللي بدأ حياته فيها. الخطة؟ مش بس زيارة. هما كمان هيشتغلوا مع واحد من المواهب اللي هناك عشان يطلعوا 6 تراكات. تخيلو التجميعة دي ممكن تعمل ايه؟ جاهزين تتعرفوا اكتر على كل فنان و مشواره من ساعة ما بدأ يغنى فى ريد بُل صدى صوت؟ والاحلى من كده – في كل مدينة من دول هيتعمل حفلة عشان يغنوا التراكات دي لأول مرة، وفي الاخر هيتجمعوا في حفلة واحدة في القاهرة. بس الموضوع أكبر من مجرد حفلة؛ ده احتفال بالأصل، الموهبة، تطور المزيكا و صدى الصوت!
حفلات المحافظات هتكون:
L5VAV فى تيفولى دوم - الاسكندرية
SLYVER فى نادى جزيرة الورد - المنصورة
LEGE-CY فى مول طنطا
ARSENIK فى فندق أسمنت أسيوط
ZIAD ZAZA فى استاد الفيوم - الفيوم
MOUSV فى فندق ميركور - الاسماعيلية
حفلات ريد بُل صدى صوت اللي في المدن هتحصل كلها في نفس الوقت يوم 3 مايو، و حفلة القاهرة يوم 10 مايو!
خليك متابعنا عشان تعرف كل الأخبار، و تفاصيل التذاكر, وافتكر دي فرصتك تسمع مزيكا جديدة وتبقى جزء من الرحلة معانا!