الألعاب
جائزة أفضل صانع محتوى ألعاب لسنة 2018
بحر الجيمينج يوم عن يوم بيزيد اتساعه وانتشاره على مستوى العالم، ملايين من المتابعين لألعاب معينة مفضلة عن غيرها من ناحية الصور والدقة والموسيقى ونقط تانية كتير. ودا ترتيب لأفضل صناع المحتوى في 2018
The Game awards
© TheGameAwards
الجيمينج مش مطورين للألعاب وناس بتلعبها وبس، في دوريات عالمية وفي ملايين المتابعين وفي محللين ومعلقين وكاتبين وفي نفس الوقت . . في صناع المحتوى اللي ليهم متابعينهم ومعجبينهم.
شخصيات معينة برزت في عالم البث او ال”streaming” على منصات البث المباشر وليهم ناس بتتابع المحتوى اللي بيعملوه بشكل يومي وبأعداد كبيرة على مختلف منصات البث المتخصصة، صانع المحتوى ده ببيدأ يلعب وبيعرض بث مباشر وهو بيلعب على منصات زي تويتش أو اليوتيوب وكتير غيرها، أو بيعمل فيديوهات مش مباشر وبيجهزها ويحملها على اليوتيوب.
الجدير بالذكر ان من ضمن احتفالات وجوائز الـ Gaming Awards كان فيه منافسة على لقب أفضل صانع محتوى لسنة 2018 وكان اللقب ده محصور بين خمس أشخاص .. خلونا نشوف مين هما ونتعرف عليهم ومين فاز باللقب ده.
1. أول اسم من القائمة هيكون Dr.Lopu
Dr Lupo
© Drew Gurian
الستريمر Ben المعروف باسم Dr.Lopu لو انت من متابعينه يبقى أكيد هتكون قريت الجملة دي عنه قبل كده
" father, husband, and gamer " طبعا هو شاب أمريكي بالثلاثينيات من عمره بيقضي وقته غالبا ببث ألعاب
من نوع FPS وأكيد بيجرب ألعاب تانية بين فترة لفترة، بس هو ستريمر معروف ببث ألعاب Battle Arena و FPS.
ومفيش داعي للاستغراب بإنه واحد من الخمسة المنافسين على الجائزة خاصة بالأرقام الكبيرة اللي محققها كمشاهدات على تويتش اللي وصلت قريب جدا من الـ 50 مليون مشاهدة !! ومن ناحية المتابعين وصل عدد متابعين اللاعب الأمريكي على التويتش قريب جدا من الـ 3 مليون متابع ومش بس كده هو كمان عنده قناة اليوتيوب اللي بيتعرض فيها لقطات مختارة من البث المباشر اللي بيتعمل على تويتش وكمان حققت قناة اليوتيوب الخاصة فيه عدد كبير جدا من المتابعين والمشتركين وصل عددهم قريب جدا من 1,2 مليون.
لوبو مش مجرد ستريمر وخلاص، هو بيلعب في فريق رسمي للتنافس في البطولات وهو الفريق Rogue وهو مش مجرد
لاعب عادي في الفريق ده وخلاص لا هو كمان كابتن الفريق. خلال شهر ديسمبر الحالي حقق لوبو كأعلى عدد مشاهدات 54,677 مشاهدة خلال البث المباشر وبشكل عام عدد المشاهدين كمعدل عام كان حوالي 16,000 مشاهد، والأرقام دي جميلة جدا لو انت متعرفش منصة البث تويتش دي تعتبر أرقام عالية فعلا لكن مع الأسف مع كل الأرقام دي ما كانش من نصيب - الأب والزوج واللاعب – لوبو انه يفوز بلقب Content Creator of the year.
2. الاسم التاني من المتنافسين الخمسة معروف بالأسطورة أو Myth
myth
© myth
الستريمر الأمريكي الشاب Ali 'tsm_Myth' Kabbani صاحب ال19 سنة حقق أرقام جميلة على منصات البث وعلى اليوتيوب ودخل في المنافسة على لقب أفضل صانع محتوى للسنة 2018، اللاعب والستريمر مهتم جدا بألعاب الـ FPS زي لوبو اللي كنا تكلمنا عنه. كان قبل كده بيلعب جيمات تانية بس الجيمات دي قفلت ومن بعدها اتجه الأسطورة لنوع من الألعاب مشهور جدا في الوقت الحالي وهي الـ Battle Arenas، وفي ال2018 وهو فعليا مش مجرد لاعب فريق عادي، هو قائد وكابتن لفريق.
عدد المتابعين على قناة تويتش الخاصة بيه كبير جدا ووصل حوالي 4,700,000 متابع وقناته واحدة من أكتر القنوات اللي بيتابعوها محبين ومتابعين ألعاب الباتل أرينا باللغة الانجليزية حتى أنه حصلت قناته على ترتيب الـ 18 بين قنوات تويتش من حيث أكتر القنوات متابعة وحصل في شهر ديسمبر الحالي على 15,000 متفرج بس كحد أعلى ومعدل 7000-8000 متفرج في المرة الواحدة.
عنده طبعا قناة يوتيوب كبيرة جدا وصل عدد المشتركين فيها 4,162,636 وهو عدد ضخم جدا وبيعمل فيديوهات بشكل عام وأكيد هتلاقي مقاطع من الستريم بدون شك !! بالرغم من الأرقام دي كلها برضوا ما كانش من نصيب الشاب الأمريكي الفوز بجائزة أفضل صانع محتوى.
3. المتنافس الثالث المرشح لجائزة أفضل صانع محتوى لسنة 2018 كانت Pokimane
NoamGalai
© Gettyimages
المتنافسة دي بنت اسمها Imane 'Pokimane' Anys عندها طبعا قناة يوتيوب ضخمة لحياة الجيمينج اللي ماشية فيها بدأت سنة 2014 بعد كده قدرت توصل لعدد مشتركين كبير على وشك انهم يكملو الـ 3 مليون مشترك، عندها اهتمامات تانية بشكل عام غير الجيمينج مفصولة بقنوات تانية على اليوتيوب لكن بخصوص الجيمينج أكيد عندها تويتش ومتابعينها تعدو الـ 2,5 مليون بتابعوها وهي بتلعب League of Legends , Battle Arena وهي كمان بتعلق على المبارايات مش بس بتلعبها.
خلال شهر ديسمبر الحالي Poki عملت ستريم بس لمدة 7 ساعات ومع كده كان أعلى رقم متابعين وصلتله 9500 خلال البث المباشر ومعدل 7500 متابع خلال البث المباشر.
ترشحت للمنافسة على جائزة أفضل صانع محتوى ل 2018، ومن المهم اننا نقول انها فازت بـ Shorty Awards العاشرة كأفضل ستريمر على تويتش للسنة وترشحت برضو لجائزة البث المباشر بـمنافسة Streamy Awards
بس مع الانجازات في المسابقات دي منجحتش بانها تسرق لقب أفضل Content Creator للسنة دي.
4. المتنافس الرابع والمرشح لجائزة Willyrex
Willyrex
© ABC.es
Guillermo Díaz Ibañez المعروف باسم Willyrex هو صاحب ثالث أكبر قناة على اليوتيوب في إسبانيا. عملها وبدأ فيها سنة 2009، وعنده أكتر من 13,5 مليون مشترك على قناته وعدد مشاهدات كبير جدا تخطى الـ 3 مليار و200 مليون مشاهدة حسب مواقع الاحصائيات. من الجدير بالذكر عن Willy انه صاحب قناة ولاعب ومؤلف ومبرمج، ليه كتير من الأعمال وعنده مؤلفات ومن أعماله لعبة موبايل عملها مع أصحابه اسمها Karmarun ونزلوها على كل أنظمة التشغيل ل Microsoft و Android و IOS، حمل اللعبة أكتر من 2 مليون مستخدم وده يعتبر نجاح كبير.
من محتوى القناة انه بيلعب Battle Arena برضوا وهي حاجة مشتركة بين كل المنافسين على الجائزة دي، لكن كان معروف عنه ببث GTAV و Minecraft وعنده قناة تويتش ما تتقارنش أبدا مع قناته على اليوتيوب انما برضوا قناة ناجحة عليها عليها أكتر من 400,000 متابع، يمكن تقول انها مش بقوة اليوتيوب أبدا بس مع كده قدر انه يجمع عليها أكثر من 5,5 مليون مشاهدة.
مع كل الانجازات والأرقام الكبيرة إلا انه كان في شخص بين المنافسين على لقب أفضل صانع محتوى كان اكتر استحقاق وجمع عدد اكبر من التصويت من Willy واللي يعتبر شخصية رهيبة من حيث تنوع مهاراته وهو هيكون الشخص الخامس اللي هنتكلم عنه حالا.
5. المرشح الأقوى والفائز بلقب أفضل صانع محتوى لسنة 2018 كان المعروف والمشهور Ninja
Ninja's Speech After winning the Content Creator of the year Award
© TheGameAward
لو انت من متابعي أخبار الألعاب على مستوى العالم او حتى لو انت مهتم شوية بـ الجيمينج . . يبقى أكيد سمعت عن الاسم ده Richard Tyler Blevins المعروف بـ Ninja خاصة انه الاسم أشهر من نار على علم مرتبط بعالم الـ Battle Arena.
الشاب الأمريكي نينجا حقق ترتيب ثالث ستريمر على تويتش من جهة عدد المتابعين وصل عددهم أكتر من 12,6 مليون متابع ومعدل مشاهدات خلال البث المباشر قريب جدا من 55 ألف متابع وده معدل مشاهدين، يعني أحيانا ممكن يكون بيتفرجوا عليه خلال البث أقل من العدد ده وأحيانا أكتر ووصل عدد مشاهدات قناة تويتش الخاصة بيه تقريبا لـ 389 مليون
وكل الأرقام دي على تويتش تعتبر كبيرة جدا رغم انه يعتبر بدأ البث على منصة التويتش متأخر مقارنة بغيره لأن نينجا بدأ مشواره بالبث اعتبارا من سنة 2011 فقط.
ولو كان ال12 مليون متابع على تويتش عدد كبير؛ يبقى هتوصف عددهم على اليوتيوب بأنه ضخم جدا حتى انه وصل عدد مشتركين قناة نينجا على اليوتيوب أكثر من 20 مليون مشترك بالقناة.
طبعا تقريبا نقدر نقول انه القاسم المشترك الثاني بين كل المنافسين انهم كانو يلعبوا في فرق ونينجا أكيد مش أقل منهم في الموضوع ده
حتى انه لعب مع شركات كبيرة زي Team Liquid , Luminosity Gaming وحاليا مع فريق Cloud 9.
خلال شهر سبتمبر، حقق Ninja لقب وجائزة Esports profile of the Year اللي كان مرشح ليها مع 4 أشخاص تانيين
وبالـ Gaming Awards لسنة 2018 حقق نينجا أعلى تصويت ولقب Content Creator of the year من بين الخمس مرشحين اللي تكلمنا عليهم.