在家除罩做多人運動 《Switch Sports》6種項目4人單機玩
© Nintendo
Games

在家除罩做多人運動 《Switch Sports》6種項目4人單機玩

如果有一定機齡,一定玩過2006年推出的《Wii Sports》?想當年體感玩法超突破,拿著手掣揈手打網球都夠玩到攰,還記得當年有人玩《Wii Sports》甩手掣打爆電視?陳年舊事說完,16年後來到任天堂Switch世代,最近有《Nintendo Switch Sports》推出,體感感應當然更靈敏,而且更可以連線和遠方朋友玩除罩做運動,打兩球網球飲番啖Red Bull,美好回憶返晒嚟!
作者 Mike @ GameoverHK
2 min read發佈於

Keep住做運動 腳帶踢波射龍門

Keep住做運動 腳帶踢波射龍門
Keep住做運動 腳帶踢波射龍門
任天堂Switch主機一向都有做運動遊戲,還記得新垣結衣賣廣告的《RingFit Adventure》?日日玩日日出汗都仲未變到結衣BB?是時候玩新Game啦。《Nintendo Switch Sports》內置有六個項目,包括保齡球、網球、擊劍、排球、足球、羽毛球,最特別的地方是實體版遊戲還會包含《RingFit Adventure》之前送的腳帶,因為今次足球項目可以用腳踢!雖然運球、射門等動作都要用手掣操控,但「射門對決」就可以體感用腳射龍門。

4人單機 16個朋友網上見

4人單機 16個朋友網上見
4人單機 16個朋友網上見
現今世代,當然可以網上約朋友齊齊玩,遊戲最多可以網上連線16人打保齡球,至於足球就可以4對4合共8人落場。如果不想上網的話,單機除了可以單打外,也可以4人一齊玩,不過如果要2人對戰足球遊戲,就要有多一套腳帶,之前有買《RingFit Adventure》的話,屋企應該有啦?

預告有新DLC 秋季打Golf

預告有新DLC 秋季打Golf
預告有新DLC 秋季打Golf
遊戲內有保齡球、網球、擊劍、排球、足球、羽毛球,當然會加入不同元素,個人覺得最好玩是保齡球,可以碌出直球、曲球外,遊戲內還有不少奇怪球道可以挑戰,有沒有試過一次過打幾十個樽?另外網球亦可以靠你手部動作而做出不同打法,扣殺、上網等都可以做到;至於說到最複雜,應該就是排球,發球、攔網等不同動作都需要不同操作。
遊戲內置6個項目會否好快玩厭?放心,廠方已經公佈會陸續推出DLC追加新項目,今年秋季就會有得打Golf。

儲分扮靚 高手有樣睇

要增加遊戲耐玩性,當然要提供「儲嘢」元素,今次遊戲都有嘢儲,就是遊戲內有Sportsmates公仔,只要達成不同目標就可以儲到分數換取限定服裝,以及收集到不同造型,高手真的有樣睇!
最後要留意的是,輕量版主機Nintendo Switch Lite因為手掣不能拆下,所以未能玩這遊戲,而且要玩的話,都要預留多一點空間揈手踢腳,我就試過射波踢到雜誌架,由內痛到外再痛返入內,大家小心。