الرياضة على الإنترنت
تشويق وأثارة مع الموسم الثاني من Red Bull M.E.O في Esports Summit 2019
2018 كانت السنة اللي حصل فيها بطولة Red Bull M.E.O الأولى، واللي شارك فيها اكتر من 30 دولة ومئات اللاعبين واللي بيتنافسوا على لقب بطل العالم في لعبة Clash Royale.. السنة دي الإثارة بقت اقوى!
Winner Red Bull MEO Egypt
© GamersLounge Me
في اخر كام سنة، سوق الموبايل جيمرز صعد بقوة وظهرت فيه منافسات وفرق محترفة في العاب كتير، وفي إحصائيات بتقول ان الموبايل جيمنج تقريباً بقى بيشغل 50% من السوق العالمى للجيمز. ونتيجة لده اتعمل بطولات كتير في دول كتير منهم بطولةRed Bull M.E.O اللي بتركز 100% على العاب الموبايل.
Clash Royal Red Bull MEO Egypt
© GamersLounge Me
دلوقتي وقت الموسم الثاني لبطولة Red Bull M.E.O، والمفاجأة ان الموسم ده هيكون بيستضيف 3 بطولات في 3 العاب مختلفة، وهم “Clash Royale”، “Brawl Stars” و”Hearthstone”. كل لعبة هيكون ليها تصفياتها وليها فايز واحد واللي هيبقى بيعتبر بطل العالم في اللعبة المعينة.
Venue Red Bull MEO Egypt
© GamersLounge Me.jpg
تصفيات Red Bull M.E.O هتاخد مكانها في “ESports Summit 2019”، يوم 26-27-28 من سبتمبر الحالي، وهيتاهل بطل مصري من كل لعبة علشان يسافر إسبانيا يمثل مصر مع كل الأبطال اللي إتاهلوا من البلاد المشاركة التانية.
تشويق وأثارة مع الموسم الثاني من Red Bull M.E.O
© GamersLounge-Me
ليه لازم تشارك في RED BULL M.E.O؟
الإجابة ببساطة هو إنك لو من محبي العاب الموبايل، فانت بتشارك في واحدة من اكبر البطولات من حيث عدد المشاركة، سواء على المستوى المحلي او العالمي، ده غير انها فرصتك انك تتمرن اكتر على اللعبة دي وتعرف انت فين من المنافسة الموجودة. اخيرًا لو كسبت هتسافر إسبانيا وتنافس على لقب بطل العالم في اللعبة.
الموسم الثاني بيبتدى من 8 أغسطس و حتى 22 فبراير 2020 و الي بعدها هيطلع فايز واحد وبس من وسط الناس دي كلها عشان يبقى الكينج ويتوج بلقب ببطل العالم لألعاب الموبايل!
دي فرصتك للعالمية يعني عاوز تبقى نجم جهز نفسك وتعالى ورينا قوتك!
لينك الحدث: https://www.facebook.com/events/418252448814675/