ريد بُل ميوزيك في شوارع

ريد بُل ميوزيك في شوارع 6 محافظات مصرية..خلينا المزيكا تقرب لك!

© ريد بُل

شهر إبريل 2018 بيشهد عودة حفلات ريد بُل ميوزك في الشارع، المرة دي مش بس في القاهرة والإسكندرية، لكن زودنا 4 مدن في 4 محافظات مختلفة، علشان الفرق والمزيكا اللي بتحبوها تبقى أقرب لكم "أينما وجدتم"!

هو أكبر حدث فني بيجمع أهم فرق الموسيقى المستقلة في مصر والوطن العربي، على مدار يومين هتقدم 9 فرق موسيقية عروضها في مدن مختلفة أمام جمهور مختلف، ولأول مرة هتشهد مدن زي بورسعيد والإسماعيلية والمنصورة وطنطا عروض ريد بُل الموسيقية تحت شعار "ريد بُل ميوزك في الشارع".

الفرق هي شارموفرز ومسار إجباري وهوس ودي جيه ديسكو مصر ودينا الوديدي من مصر، ومن الأردن فرق جدل وأوتوستراد وعزيز مرقة، ومن تونس آمال المثلوثي.

البداية هتكون يوم الجمعة 20 أبريل، والعروض فيه هتكون كالتالي:

دينا الوديدي وديسكو مصر وجدل في ستاد جامعة المنصورة (الدقهلية)

مسار إجباري وأوتوستراد في فندق ميركيور في الإسماعيلية

آمال مثلوثي وشارموفرز في نادي المعارف الرياضي في بورسعيد

هوس وجدل في مول العروبة في طنطا (الغربية)

والليلة الكبيرة والختام هيكون يوم الجمعة 27 أبريل في كايرو فستيفال سيتي بالقاهرة سيتي سنتر اسكندرية في الإسكندرية، وهو يوم الـ Non Stop Music من 2 الظهر لـ 10 بالليل وهتلعب فيه كل الفرق بالتبادل بين المدينتين زي ما حصل في نسخة Red Bull Fel Share3 الأولى في أكتوبر 2016 واللي شهدت حضور تجاوز الـ 21 ألف متفرج.

وعلشان المزيكا تقرب لكم أكتر وعلشان تشوف الفرق مرة زيادة عن الحفلتين الكبار؛ ريد بُل نظمت حفلات في كايرو جاز كلوب الفترة من 20 لـ 27 إبريل لكل الفرق المشاركة.

Red Bull Music Fel Share3..مصر 2018!

احجز مكانك في أقرب شارع ليك!

لمزيد من المعلومات يرجى زيارة موقع الرسمي لريد بُل، أو الصحفة الرسمية على مواقع التواصل الاجتماعي.