موسيقى

راب من الورديان بقوة التي ان تي

© CNL Music EG
في شهر أغسطس سنة 2017 كتب شاب اسمه "احمد علي" بوست على موقع التواصل الإجتماعي فيسبوك بيقول فيها: "إسمي (ويجز) بعمل راب من 4 شهور بس و هنزّل أغنية هتكسر الدنيا خلال يومين"
بقلم CNL Music Egyptنُشر في ‎
من اللحظة دي في الورديان بالأسكندرية ظهرت حكاية موهبة من أهم إكتشافات ساحة الراب المصري. "ويجز" مثال جيد على النجاح اللي ممكن اي رابر يحققه خلال مسيرته، في خلال سنتين بس وصل لمكانة عالية جدًا عند الجمهور رغم صغر سنه.
دي جي توتي" على البّيت و "ويجز" على الاداء من مشهد الراب المصري
دي جي توتي" على البّيت و "ويجز" على الاداء من مشهد الراب المصري
"اسف ياما مسلكتش في التعليم بس راجل عُمري ما جليت زميلي … امل بكرة نجم و اجيب منها فلوس كتير اخر سنة دي هجيبلي كوتشي من جوتشي"
مش بس مُجرد كلمات من اغنية " ساليني" و لكن هى حالة الطموح اللي بيملكها "ويجز"، قبل اتجاهه لـ ساحة الراب كان يعمل في إحدي شركات الأتصالات و كان قريب جدًا لمركز مرموق بها، و لكن قرر ترك كل ده لتحقيق حلم أكبر، حلم الشهرة و التحول لرمز جيل بالكامل، جيل " النيوسكول " راب.
وضع "ويجز" قدمه على الساحة بـ تراك " بطلوا فيك " بالتعاون مع "هشام رابتور" ثم تراك "باربيكيو " اللي ممكن نصنفهم من نوع الهارد كور راب، و لكن سبب سطوع نجم "ويجز" على الساحة كان تراك "تي ان تي" و اللي شوفنا فيه اتجاهه للتِراب والتطور في المستوى بشكل مُلفت. و بالفعل فجر "ويجز" موجة "النيوسكول" راب بقوة الـ تي ان تي، القفزة في الشخصية والابتكار اللي نفذه مرهق للعقل، أثبت طلاقة أسلوبة الرهيبة بإنتقاله من الراب إلى التراب و حتى اتجاهه للـ ار&بي او المهرجانات.
بالكثافة الإنتاجية في الفترة الأخيرة و تحوله من فنان مستقل لفنان تُجاري و لعبه باستمرار على الموضوعات الجذّابة والمضمونة، يسيطر "ويجز" على شخصيته اللي بيوصلها للجمهور، فهو يمتلك ثقة و تمكن يجعله يشكل الراب لما يتناسب مع أسلوبه مش العكس، من هنا تأتي قوته، و ازاي يقدر يصنع من نفسه نجم قادر على إنتاج موسيقى تشد الكل.
دي جي توتي" على البّيت و "ويجز" على الاداء من مشهد الراب المصري
دي جي توتي" على البّيت و "ويجز" على الاداء من مشهد الراب المصري
فتح "ويجز" أبواب جماهير جديدة عن طريق تعاونه مع فنانين كتير زى "الفاعوري" و "السينابتك" و "بو كلثوم" و "أبيوسف" و لا ننسى تعاونه مع "سادات" في أغنية "خربان" اللي اعطاه دفعة كبيرة و اختصرت عليه طُرق كثيرة وأصبح اسمه معروف أكثر، و من هنا بدأ سباقه على القمة و المحافظة عليها.
"دي جي توتي" على البّيت و "ويجز" على الأداء من أفضل الثنائيات الموسيقية في المشهد المصري بالوقت الحالي، موسيقى "توتي" تساعد "ويجز" على تحقيق كل ما يحتاجه بسهوله، و خلق مساحة واسعة ينفذ فيها أفكاره.
دي جي توتي" على البّيت و "ويجز" على الاداء من مشهد الراب المصري
دي جي توتي" على البّيت و "ويجز" على الاداء من مشهد الراب المصري
الأرقام اللي حققها "ويجز" حتى الأن مهوله جدًا، و ده يضعه في قلب المشهد كواحد من الأسماء الجديدة البارزة في مجال الراب.