تدريب اللياقة البدنية
دليلك لـ Red Bull Gym Clash مع نصائح المحترف نواه أولسن
تبغى تدخل Red Bull Gym Clash وأنت جاهز؟
Part of this story
خذها من شخص يعرف المنافسة صح. نواه أولسن، رياضي مخضرم قضى أكثر من 10 سنوات في عالم اللياقة والمنافسات، يشاركك أهم نصائحه عشان تدخل التحدي بأفضل استعداد.
نواه معروف بقوته ولياقته، لكن الحماس عنده ما يقل عنهم بعد سنوات طويلة من المنافسات، يدخل Red Bull Gym Clash بنفس الطاقة اللي عرفه فيها جمهوره.
وبالنسبة له، النادي مو مجرد مكان تدخل تتمرن وتطلع. فيه أشخاص تتمرن معهم، أشخاص يحمسونك، وأحيانًا أشخاص يخلونك تعطي أكثر مما كنت تتوقع من نفسك. وهذا بالضبط جزء كبير من فكرة Red Bull Gym Clash.
وش هو Red Bull Gym Clash؟
Red Bull Gym Clash Jordan
© Red Bull Content Pool
Red Bull Gym Clash منافسة عالمية تجمع الأندية في تحدٍ واحد: مين عنده الفريق الأقوى؟
كل نادي يمثله فريق من أربعة أشخاص شابين وفتاتين، يدخلون أربعة تحديات تختبر أكثر من جانب: القوة، والتحمل، والمهارة، والأهم من هذا كله كيف يشتغلون الأربعة كفريق واحد.
المشوار يبدأ من التصفيات المحلية ويوصل إلى النهائي العالمي، والهدف في النهاية واحد: المنافسة على لقب أقوى نادي رياضي في العالم.
والحلو في Red Bull Gym Clash إن المشاركة مو محصورة على المحترفين. المنافسة مفتوحة لمستويات مختلفة، وتعطي كل فريق فرصة يختبر نفسه، يدفع حدوده أبعد، ويمثل النادي اللي كان جزءًا من مشواره.evels to push their limits, inspire others and compete for the title of the Greatest Gym on Earth.
مين يقدر يشارك في Red Bull Gym Clash؟
Red Bull Gym Clash will test participant's strength and team work
© Joerg Mitter/Red Bull Content Pool
ببساطة التحدي للجميع وهذا مو كلامنا، هذا كلام أبو نواه نفسه.
ونواه يعرف زين وش يعني تدخل منافسة من هذا النوع. شارك في CrossFit Games 11 مرة، ووصل فيها للمركز الثاني عالميًا عام 2019. ونافس أيضًا في HYROX، السباق اللي يجمع بين الجري وتحديات القوة واللياقة، بالإضافة إلى World Fitness Project، سلسلة منافسات عالمية تجمع نخبة الرياضيين على مدار الموسم.
يقول نواه: «Gym Clash للجميع. كل شخص في مشواره الرياضي عنده نادٍ، أو شريك تمرين، أو مجموعة أشخاص ينسب لهم جزءًا من مجهوده والتزامه. وGym Clash تحتفي بهذا الشيء.»
يعني الزبدة: تدخل تنافس وتختبر مستواك، لكن هذه المرة مو لحالك النادي كله داخل معك.
طيب، كيف تجهز نفسك؟
Noah Ohlsen hard at work on his form
© Drew Reynolds/Red Bull Content Pool
الجواب بسيط: لا تجهز نفسك لشيء واحد.
تحديات Red Bull Gym Clash ممكن تختبرك بأكثر من طريقة، لذلك استعدادك لازم يكون متنوعًا.
نواه ينصح بالتنويع بين تمارين القوة والكارديو وتمارين وزن الجسم. يعني لا تقضي كل وقتك على تمرين واحد وتعتقد إنك جاهز.
في تمارين الـ Squats مثلًا، جرّب Back Squat وFront Squat وOverhead Squat، وتمرّن باستخدام البار والدمبلز. وفي الكارديو، نوّع بين التجديف، والجري، والدراجة وSkiErg.
وحط في جدولك تمارين وزن الجسم مثل Burpees وLunges وPush-ups وPull-ups.
والزبدة من كل ذا؟ مو إنك تعرف وش التحديات اللي تنتظرك. العكس تمامًا... جهّز نفسك بحيث أي شيء يجيك، تكون مستعد له.
وش تحتاج معك؟
هنا نواه يختصر عليك قائمة المشتريات كلها بجملة واحدة:
Fitness phenom Noah Ohlsen competes at the World Fitness Project
© Drew Reynolds/Red Bull Content Pool
أهم شيء تحتاجه عشان تنافس في Gym Clash هو جسمك!
ممكن تحتاج بوت للجري وواحد لرفع الأوزان، ومعهم حزام أوزان وWrist Wraps إذا احتجتها، لكن لا تعقّد الموضوع أكثر من اللازم.
وطبعًا فيه شيء ثاني ابو نواه ما نسيه:
Red Bull باااارد.
على كلامه عاد أنه ينصح فيه وبقوة.
وكيف تختار فريقك؟
هنا أبو أولسن عنده نصيحة يمكن ما تتوقعها من شخص قضى كل هذه السنوات ينافس: قبل ما تدور على أقوى ثلاثة أشخاص تعرفهم، دور على ثلاثة تستمتع وأنت تتمرن معهم.
يقول: "لو كنت باختار فريقي ببدأ بثلاثة أشخاص عادةً أستانس معهم. في النهاية هي منافسة، لكن المفروض نستمتع فيها، والأجواء الحلوة غالبًا تخلي الأداء رهيب."
لكن لا تتحمس وتجمع العيال من الاستراحة وخلاص.
نواه يشوف إن الفريق القوي يحتاج توازن. الكل يكون مستواه جيد في أكثر من جانب، لكن في نفس الوقت يكون لكل واحد شيء يميزه.
واحد قوته في الأوزان.
واحد نفسه طويل في الكارديو.
والثالث عنده المهارة.
أربع أشخاص يكملون بعض بدل أربعة نسخ من نفس اللاعب.
وهنا ممكن تكون عندك، مثل ما يقول أبو أولسن، خلطة فريق صعب توقفه.
في النهاية، هذا هو الشيء اللي يرجع له نواه طوال الوقت: المنافسة مهمة، والقوة مهمة، والنتيجة أكيد مهمة، لكن الناس اللي تتمرن وتنافس وتحتفل معهم هم اللي يعطون كل هذا طعم.
فإذا ناوي تدخل Red Bull Gym Clash، جهّز جسمك للحرب، اختَر فريقك صح، وخلك جاهز لأي تحدي ينرمي قدامك.
Part of this story