الرياضة على الإنترنت
7 نصايح عشان تنشن أحسن في لعبة VALORANT
لو لقيت نفسك كل شوية بتخسر في لعبة VALORANT.. ماتقلقش .. الحل عندنا .. هانقولك شوية حيل وتعديلات هاتغير كتير من أسلوبك في اللعبة ..
المميز في التحدي الجديد هو فرصتك إنك تكسب تذكرة عشان تحضر نهائي Red Bull Campus Clutch العالمي. فيلا لازم تبدأ تتمرن وتتعلم إزاي تبقى أحسن واحد في أهم مهارة في الألعاب التنافسية.
فريق أبطال VALORANT عنده ميزة مهمة جدا وهي عدد القوى الكبير اللي بيساعدهم يكسبوا العدو بسهولة، لكن في النهاية، احساسك أنت باللعبة وهدفك منها هو اللي هايخليك تعدي من معظم المواقف في لعبة تبادل النار التكتيكية اللي قايمة على الفريق من Riot Games.
بالرغم من أن قدرات الأبطال هي جزء أساسي من اللعبة، بس هاتلاحظ إن VALORANT متشابهة في حاجات كتير مع CS:GO (Counterstrike: Global Offensive) وده يعني بالمقارنة مع ألعاب تبادل النار التانية اللي معتمدة برضه على أبطال زي Overwatch.
لو لقيت نفسك كل شوية بتخسر في لعبة VALORANT..
ماتقلقش .. الحل عندنا .. هانقولك شوية حيل وتعديلات هاتغير كتير من أسلوبك في اللعبة .. وماتنساش تذكرة نهائي ريدبُل تستاهل إنك تجرب!
دوس على الرؤوس في أي وقت من الأوقات، ولو كنت بتعاني عشان تعدي من الأماكن الضيقة في خريطة Bind أو الدفع الطويل C في وقت متأخر من الجولة على Haven .. يبقى الدليل ده هو اللي هايخلي المنافسين هم اللي هايخسروا مش أنت!
تحدي Red Bull Campus Clutch Aiming اتعمل مخصوص عشان يساعد اللاعبين في تحسين مستواهم وتركيزهم ودقتهم خلال المهام المميزة في اللعبة. وأحسن 5 لاعبين هايتصدروا القايمة هايكون عندهم فرصة يكسبوا تذكرة للنهائي العالمي في تركيا – أسطنبول نوفمبر 2023 عشان يتفرجوا على أحسن فرق VALORANT من الطلبة في العالم كله وهما بيتافسوا ويقدموا أحسن ما عندهم.
في أخر الكلام هانقولك إزاي تقدر تحجز تذكرتك ..
1. الاحتمالات: وضعية التقاطع
وضع علامة التصويب أو النشان بتاعتك من أهم الحاجات اللي لازم تشتغل على تحسينها.. في مستوى KD بتاعك في VALORANT.
وده معناه إن هدفك يفضل على الشاشة أطول وقت، وإنك تخلي علامة التصويب بتاعتك على ارتفاع مناسب ومثالي من راسك على مدار الجولة كلها.
والفكرة دي هدفها هي إنك تقلل مقدار التصحيح اللي المفروض تعمله لما تشوف لاعب تاني، فلو كان خط التقاطع بتاعك على مستوى راسك، كل اللي عليك إنك تغطي مسافة أفقية (صغيرة نسبيا).
الموضوع هياخد شوية وقت وتكرار عشان تعرف تبقى شاطر فيه وتتخلص من طريقة لعبك القديمة، سواء كنت بتحب تنشن أو تصوب على الأرض أو على السما، اتمرنوا بس على الأسلوب الجديد وهاتلاقوا نتايج مختلفة ومبهرة في اللعبة بتاعتكم.
2. الممارسة:
المثل بيقول "لو عايز تبقى محترف أو خبير في شيء معين، لازم تقضي 10 الالاف ساعة تتمرن أو تتدرب عليه". لازم تكون جوا النطاق قبل ما تبقى في قايمة الانتظار، أو تتدرب على التصويب والنقر السريع، أو تتعرف على ترسانة أسلحة VALORANT.
عايز تختار Operator؟ يبقى اعتمد على OP، لكن اتعود عليه.
إنك تتعرف على النطاقات والفروقات ونقط القوة لكل سلاح هايساعدك تكتشف المناسب ليك لما يبقى مش معاك فلوس واختيارتك تكون قليلة.
خلي بالك ماتضيعش وقت طويل في النطاق وتحرق نفسك، ابدأ بخطوات بسيطة وبطيئةـ يعني إنك تتمرن كل يوم 30 دقيقة هايبقى كفاية جدا إنك تشوف نتايج كويسة قريب.
وكمان دلوقتي ممكن تجرب الوضع الجديد في اللعبة وهو وضع Team Deathmatch في VALORANT، تقدر أنت و4 من زمايلك في الفريق مواجهة فريق عدو واحد لفترة زمنية قصيرة من غير تدفع أي فلوس ودي هاتبقى طريقة كويسة جدا للتدريب.
3. خليك ثابت ومستقر:
اتعلمنا كلنا في Call of Duty وBattlefield مهارات كتير بس الحقيقة إنها مش هاتكون مفيدة في طريقة اللعبة دي، الجري وضرب الناس من رشاش كبير، هو مجرد خيال لذيذ لما تبدأ تلعب VALORANT.
طريقتك في الأول هاتكون عنيفة وغير دقيقة بشكل ملحوظ سواء في التصوير أو الحركة حتى لو كنت بتستهدف شئ على مستوى نظرك...عشان كده بننصحك تكون ثابت ومستقر، خد وقتك في فهم كل الزوايا وخليك ثابت، ممكن حد من الفريق العدو يضرب نار على شخص ما باستخدام أي درع تقيل .. لكن لو أنت دوست على راسه في لعبة VALORANT الايد هاتبقى ثابتة أكتر فوق عن نفس القدر اللي بتظهر بيه الإيد الأسرع
4. علامة التقاطع بتاعتك .. اعرف بتغلط في إيه!
ناس كتير ممكن تفكر إن دي مش مشكلة، لكن إنك تلاقي علامة تقاطع مناسبة ليك ولأسلوب اللعب بتاعك دي حاجة مهمة جدا في اللعبة.
لما تقلل مؤشر الانتشار وتختار لون واضح يبان على الخلفية الباهتة لـ Bind ده هايساعدك كتير .. وكمان هايساعدك يبقى عندك مرجع دقيق أكتر عشان تصوب على الراس بثبات
الخلاصة: خلي علامة التقاطع بتاعتك بسيطة ودقيقة وثابتة
اختار دايما علامة تصويب ثابتة بدل ما تكون علامة ديناميكية بتتظبط مع ضرب النار أو الحركة.
لو كانت علامة التقاطع مش متناسقة .. أنت كمان طريقتك مش هتكون متناسقة
5. الرجل من فوق .."الفخد":
إنك تضرب نار على الرجل من فوق أو الفخد ده مش أحسن اختيار في العاب الرماية التقليدية، لكن إذا كنت محافظ على ثباتك.. وواقف بتركيز وعلامة التوصيب بتاعتك ثابتة وحاسس إن ده الوقت المناسب، يبقى لازم تعتمد على تحديد النطاق واختيار الزوايا في VALORANT.
التصويب ناحية تحت بيخليك دقيق أكتر، لكنه بيقلل من معدل ضرب النار، وده مثالي للنطاق. لكن لما يبقى كل اللي أنت محتاجه هو طلقة واحدة، يبقى خليك برا النطاق أحسن عشان ده بيوفر لك رؤية أحسن ومعدل ضر النار بيبقى أعلى كمان.
6. قبل ما تبدأ تلعب:
كل النصايح دي مش هاتكون مفيدة في شيء لو أنت أصلا مش جاهز إنك تلعب، لو لسه مش عارف فأنت محتاج تكتشف حساسية أو رتم اللعبة المناسب ليك، لأن لعبة VALORANT هي ابطا من معظم الألعاب اظبط الـ DPI بتاعك لشيء مريح وبعدين أظبط حساسيتك أنت أو الرتم على قد ما تقدر.
وممكن تدور اونلاين على طرق وتفاصيل تظبط بيها أحسن الإعدادات للعبة VALORANT أو أي لعبة تانية بتحبها.
معظم اللاعبين المحترفين بيرتاحوا في 400 أو 800 نقطة في البوصة، ولكن أنت دور على اللي يناسبك واختار ماوس مريح ومناسب ليك عشان تقدر تتفوق في اللعبة دي.
7. أقلب أي حجر يقابلك:
لو كنت لسه جديد في اللعبة وبتبدأ فيها على الابتوب بتاعك، ومش عارف لسه تظبط في إنك تصوب أو تنشن بطريقة صح باستخدام الماوس، "مدرب التصويب" هايبقى اختيار مناسب جدا ليك في الحالة دي. وأسعارهم متفاوتة حسب كل مدرب ولعبة وتقدر تختار المناسب ليك،
هاتلاقي أكتر من طريقة تساعدك وتطور من مهاراتك ..
عند Aim Lab عدد كبير جدا من الموارد والمهام اللي دورها إنها تساعدك في لعب الكمبيوتر.
تعتبر بطولة Red Bull Campus Clutch مفتوحة لطلاب الجامعات، وهي بطولة VALORANT مفتوحة، وبتتنافس كل الفرق حوالين العالم عشان يمثلوا بلادهم ويتنافسوا على اللقب.